அக்கரைப் பட வேண்டியவர்கள்!

நாம் அக்கறைப்பட வேண்டியவர்கள் நம் பெற்றோர்கள், குடும்பத்தில் மூத்தவர்கள், நம் உறவினர்கள் என்று நாமெல்லோரும் நினைத்துக்கொண்டு இருக்கிறோம், அது உண்மையும் கூட ஆனால் இவர்களை விடவும்

நாம் கண்ணும் கருத்துமாக கவனிக்க வேண்டிய ஒரு பகுதியினர் எமது சிறுவர்களாகும் இன்று உடல் உளரீதியாக பாதிக்கப் படுக்கின்ற அதிக சதவீதத்தினராக சிறுவர்களை கொள்ள முடியும்.

இன்றைய பரபரப்பான வாழ்க்கை சூழலில் நாம் வேகமாக ஓடிக்கொண்டு இருக்கிறோம் இந்த பரபரப்பில் நமது குழந்தைகள் பற்றிய அவதானத்தை நாம் வெகுவாக இழந்து போயுள்ளோம் இது இந்த சிறுவர்களின்

வாழ்வில் பல நூறு உளவியல் ரீதியான மன அழுத்தங்களுக்கும் பாதிப்புக்கும் ஆளாகின்றனர் சின்ன சின்ன பிழைகளுக்கெல்லாம் சிறுவர்களின் மீது எரிந்து விழுதல், அடுத்தவர்களின் முன்னால் அவர்களை அவமானப்படுத்தல், மற்றக் குழந்தைகளுடன் ஒப்பிட்டு பேசுதல் , மற்றக் குழந்தைகளை உயர்த்தியும் நம் குழந்தைகளை தாழ்த்தியும் பேசுதல் போன்ற நமது கவனக் குறைவான நமது செயற்பாடுகள் பாரிய பின் விளைவுகளை உண்டு பண்ணக் கூடியது.

பிள்ளைகள் பெற்றோரை மதிக்காமல் இருத்தல், பெற்றோரின் வார்த்தைகளுக்கு கட்டுப்படாமல் இருத்தல், பெற்றோரை அவமதித்தல், கொடூர எண்ணம் கொண்டவராக நடந்து கொள்ளுதல், முறையற்ற காதலில் விழுதல், மொன்றாம் தர செக்ஸ்சை விரும்புதல், வாழ்க்கை வெறுத்துப் போனதாக நடந்து கொள்ளுதல்

இன்னும் பல ........

ஒவ்வொரு நாளும் பிள்ளைகளுடன் கொஞ்சநேரத்தை கடத்துங்கள், அவர்களின் கருத்துகளுக்கு செவி சாயுங்கள், அவர்களின் சின்ன திறமைகளை மதியுங்கள், அவர்களை பாராட்டுங்கள் , எந்த சந்தர்ப்பத்திலும் அவர்களை விட்டுக் கொடுக்காதீர்கள் , அவர்களுடன் மனம் விட்டுப் பேசுங்கள் , நண்பர்களாக பழகுங்கள்

இன்றைய சிறுவகள் நாளைய பெரியவர்கள் ............அவர்களை புரிந்து கொண்டால்எந்தப் பிரச்சினையும் வராது...

Read more...

எல்லாம் முடிந்தது..

ஒரு நிமிசமும்
எதிர்பாராதது என்று
யாருக்கும் சொல்ல முடியாது

எல்லாம் முடிந்தது
கலப்பட வியாபாரம்
நன்றாகவே
நடந்தேறியது
உண்மை ஜனநாயகம்
இன்னும் வாழ்கிறதாம் இங்கு

இன்னும் எட்டு
ஆண்டுகள்
கடவுளே என் மீது
கருணை காட்டு

யாருக்கும்
புரியாத புலம்பல் இது
பித்தர்களே கொஞ்சம்
நில்லுங்கள்
உங்களோடு நானும்
இணைந்து கொள்கிறேன்.

Read more...

நள்ளிரவில் நடக்கும் நரிகளின் நாடகம்..

இன்னும் ஒரு சில நாட்களில் நமது இலங்கைத் திருநாட்டின் ஆறாவது ஜனாதிபதியைத் தீர்மானிக்கும்

தேர்தல் நடை பெறவுள்ளது இதில் பிரதான வேட்பாளர்களான மஹிந்த ராஜபக்ச மற்றும் ஜெனரல் சரத் பொன்சேகா ஆகியோர்களுக்கான போட்டி முன் எப்போதும் இல்லாத மாதிரி மிகக் கடுமையாக இருக்கின்றது உலகம் அமெரிக்க ஜனாதி பதித்தேர்தலை எப்படி உன்னிப்பாக அவதானித்ததோஅதே அளவு அவதானத்துடன் தான் இலங்கைத் தேர்தலும் இம்முறை அவதானிக்கப் படுகிறது

முழு உலகத்தினதும் கவனயீர்ப்பை பெற்றிருக்கின்ற இலங்கை தேர்தல் களம் உலகத்திலேயே மிக மிக கேவலமான சாக்கடைதனமான பிரச்சாரத்திட்கான முதலிடமாக இருக்கிறது.

இப்போதுகளில் இரவில் தேர்தல் காலத்தை முன்னிட்டு எல்லா டிவி சேனல்களிலும் இந்த பாலாய்போன அரசியல் தான் கருப்பொருளாய் அமைகிறது அதிலும் சிரச டிவி யில் அவ்வப்போது நடக்கின்ற சடன நிகழ்ச்சி பெருத்த்வரவேற்பை பெற்றுள்ளது மக்களின் பிரதி நிதிகள் என்று தம்மை காட்டிக் கொள்ள முனையும் இவர்கள் போடும்ஆட்டம் சொல்லிமாளாது அத்தோடு நிகழ்ச்சியை நடாத்தும் சிரச ஊடகவியலாளர்கள் களின் கேள்விகளுக்கு பதில் அளிக்க முடியாமல் திணறும் அழகே தனி தான் தமது அரசியல் காலத்தை இலஞ்சம் ஊழல் கொலை கொள்ளை ஆட்கடத்தல் அடாவடித்தனம் என்று பாவித்து விட்டு இப்போது முதலை கண்ணீர் வடிக்கின்றனர் இப்போது மக்களின் கையில் தான் எல்லாம் இருக்கிறது

பட்டி தொட்டி எல்லாம் எல்லா தரப்பினரினதும் இன்றைய தலைப்பு இந்தத் தேர்தல் தான் என்பதை புரிந்து கொண்டதனால் தான் இந்த நரிகளை சிரச கூப்பிட்டு காலன் துறையாடுகிறது.

நள்ளிரவில் நமக்காக கண்ணீர்விடும் இந்த குள்ள நரிகளின் நள்ளிரவு நாடகத்திற்கு முற்றுப்புள்ளி வைபடுமா? அல்லது மீண்டும் நரிகளின் வலையில் நாம் வீழ்ந்து ......கண்ணீர்விட நேருமா? தேர்தல் முடிந்தவுடன் நல்ல முடிவுடன் நாம் saந்திப்போம்.....................

Read more...

மறைந்து போகும் இலக்கிய தடம்...?

இவர்தான் புத்தளம் ஏத்தாலை இன்பாஸ், நீங்கள் நாச்சியாதீவு பரவீன என்ற தொலைபேசி அழைப்பு ஒன்றித் கூடாக என்னோடு அறிமுகம் ஆகினார், நல்ல விமர்சகர், மனதில் பட்டதை இவர் பட்டென்று சொல்லிவிடுவதால் இவருக்கு நண்பர்கள் மிக மிகக் குறைவு, இலக்கியவாதிகள், அறிவிப்பாளர்கள், பத்திரிகையாளர்கள் என்று பறந்து பட்ட தொடர்பை வைத்திருக்கும் இவர் நல்ல கவிஞ்சரும் ஆவார்,

புத்தளத்தை பொறுத்த மட்டில் ஜவாத் மரிக்கார், தில்லையடிச் செல்வன், உடப்பூர் வீர சொக்கன், போன்ற காத்திரமான மூத்த படைப்பாளிகளைத் தாண்டி வேறு எவரும் ஆக்க இலக்கியத்தில் சொல்லிக்கொள்ளும் அளவில் பிரகாசிக்க வில்லை ஆனால் உதிரிகளாக அவ்வப்போது சிலர் தமது படைப்புக்களை பத்திரிகைகளிலும், சஞ்சிகைகளிலும் தவழ விட்டுள்ளனர் , புத்தளம் அஸ்மியா, ஏத்தாலை சம்சாபாத்,
ஏத்தாலை இன்பாஸ் இவர்களில் சிலராவர்கள், இந்தவகையில் இந்த இளம் தலைமுறையினர் இலக்கியத்தை விட்டு தூரப்போய் விட்ட ஒரு அவல நிலை இப்போது காணப் படுகிறது.

இந்தவகையில் 2005 களில் கவிதைகளின் மூலம் காலடி எடுத்து வைத்தவர்தான் ஏத்தாலை இன்பாஸ் நல்ல பல கவிதைகளை தந்து விட்டு அதனை தொடராமல் இப்போது அவ்வப்போதுகளில் எழுதிக் கொண்டிருக்கின்றார், இன்பாசின் கவிதைகள் பெரும்பாலும் காதல் கவிதைகளாகவே இருந்க்கின்றன
நல்ல கவித்து ஆளுமையும், சொல்வளமும் உள்ள இன்பாசினால் நல்ல பல ஆக்கங்களை தரமுடியும்
ஆனால் அவர் மவுனமாகவே இருக்கிறார்.

நீயும் நானும்
எச்சில் படுத்தி
துப்பிய இனிப்பை
எறும்பு கூட சுவைக்க வில்லை
நம் காதலின் புனிதம்
கேட்டு விடுமென்று...

வழமையான காதல் ரசம் சொட்டும் இந்த கவிதை கவிஞ்சரின் ஆழ மனக் காதலை அழகாக வெளிப்படுத்துகிறது, காதலை புனிதமாகவும் அதே நேரத்தில் ஆழமாகவும் சுட்ட நினைத்துள்ளார் கவிஞ்சர்
சிறுகவிதை, மணிக்கவிதை, ஹைக்கூ பாணி கவிதைகளில் இவருக்கு ஆர்வம் அதிகம் என்பதை
இவரது கவிதைகளை ஒரு சேர படிக்கும் போது புரிந்து கொள்ள முடிகிறது,

எத்தனை பேரோடு
வாதிட்டு வென்றாய்
உன் வாதம்
எமனிடம் பழிக்க வில்லையே
சட்டத்தரணி...

மரணம் வெல்ல முடியாத ஓன்று என்கின்ற ஆன்மீகத் தத்துவத்தை அற்புதமாய் வெளிப் படுத்துகிறார்
பொதுவாகவே சட்டத்தரணிகள் எனும் போது அவர்களது வாதத் திறனின் மூலம் பொய்களை மெய்ப் படுத்தியும், மெய்களை பொய்யாக்கியும் காட்டுவார்கள், அவர்களின் எந்தத் திறமையும் மரண வேலையில் உதவி செய்யாது மரணத்திடம் எல்லோரும் மண்டியிட்டே ஆகவேண்டும் என்கின்ற எதார்த்தத்தை அழகாக சொல்கிறார் இன்பாஸ்.

அவரது மன ஏக்கம் என்ற கவிதை இப்படி சொல்கிறது..

நீ ஊரை விட்டு
போனதில் இருந்து..
குயிலின் குரல்
பவுர்ணமி நிலவு
கொலுசு ஓசை
வளையல் துண்டு
ஒற்றை ரோஜா
ஜோடிப் புறா
இன்னும் காதல் கவிகள்
இவைகள் எல்லாமே
அடிக்கடி உன்னை
எனக்கு ஞாபகப்படுத்துகிறன.

இன்பாசின் சொந்த அனுபவங்களைத்தான் இப்படி கவிதையாக வடித்துள்ளார் போலும், இன்பாசின் இன்னும் நல்ல கவிதைகள் இருக்கின்றன தமது அன்றாடங்களின் பதிவுகளை இன்பாஸ் மீண்டும் நல்ல கவிதைகளின் மூலம் தர முயற்சிக்க வேண்டும், நல்ல விமர்சகராக இருக்கின்ற இன்பாஸ் நல்ல கவிஞ்சராக வர தேடலும்
இடை விடா வாசிப்பும் அவசியம், இன்பாஸ் நல்ல படைப்புக்களை தருவாரா?

இன்பாசின் தொடர்புக்கு - 0712099370.

Read more...

நமது நட்புப் பற்றி

ஒரு அறுகம்
புல்லிலும் மென்மையான
நமது நட்பு பற்றி
இன்னும் எனது
கண்ணீர் துளிகள் பேசுகின்றது.

எல்லோருக்கும்
உன்னைப் போலேவே
அன்பும் மென்மையும்
நிறைந்த நண்பன் கிடைப்பதில்லை
அந்த வகையில்
நான் அதிஸ்டக்காரன்.

எந்தத் துர்தேவதையின்
சாபம் நம்மைப் பிரித்தது

ஒவ்வொரு விடுமுறையும்
நம் கிராமத்தை
தரிசனம் செய்யும்
தருணங்களில் ...
உன்னை தேடி அவாவும்.
என் கண்கள்
வெறுமை கலந்த
ஏமாற்றத்துடன் திரும்புகிறது..

வாழ்க்கைப் பாரத்தை
இறக்கிவைக்க
நீ ஒரு திசையில்
நானொரு திசையில்

எல்லாம் முன்னேற்றம்
அடைந்து விட்ட போதும்
இன்னும் நமது முகவரிகள் மட்டும்
மூடியே கிடக்கின்றது.
நாம் அறியாமல்.

நாச்சியாதீவு பர்வீன்.
armfarveen@gmail.com.

Read more...

இரவுத் திருடன்.

பின்னேரத்தின் வெளிச்சம்
அருகிப் போய்
இருள் கவ்வத் தொடங்கியது
பூமியை.......

குருவிகளினதும் காக்கைகளினதும்
இரைச்சல் ஒலிஅடங்கிப் போய்
வெகு நேரம் ஆகிப் போனது

மரங்களின் ஆட்டம் இல்லை
மனிதர்களின்
நடமாட்டம் இல்லை
எல்லா உயிரினங்களும்
உறங்கிப் போய்
வெகு நேரமாகிப் போனது,

இரவின் காதலன்
சந்திரன் மட்டும்
நட்சத்திர நண்பர்களோடு
வானத்து தெருக்களில்
பவனிவந்தான்...

ஊர் உறங்கிப் போனதை
உறுதிப் படுத்திக் கொண்ட
அந்தத் திருடன் களத்தில்
குதித்து விட்டான்...

இன்று யார் வீடோ..
ஆனால் இவனது
எல்லா திருட்டுகளையும்..
வழமைபோலவே
ரசித்துக் கொண்டிருந்தனர்..
மெல்லிய இருளும்..
மேகக் கூட்டங்களும்
சந்திரனும்..
அவன் சகாக்களும்..

நாச்சியாதீவு பர்வீன்.

Read more...

காலை வாரி விட்ட பின்வரிசை துடுப்பாட்டம்.

இலங்கை-இந்திய அணிகளுக்கிடையிலான மூன்றாவது சர்வதேச ஒருநாள் போட்டி பெரிதும் எதிர்பார்க்கப் பட்ட ஒன்றாகும், இலங்கை அணியின் அசுரமான துடுப்பாட்டம் ஒன்றைமட்டுமே நம்பி
நமது அணி இந்த இந்தியத் தொடரில் பங்கு பற்றுவதாகவே கருத முடிகிறது, களத் தடுப்பிலும், பந்து வீச்சிலும் சொல்லிக்கொள்ளும் அளவுக்கு நம்மவர்கள் பிரகாசித்ததாக கூறமுடியாது, எப்படியோ துடுப்பாட்டத்திற்கு சாதகமான ஒருமைதானத்தில் இலங்கை அணியின் பலமில்லாத பின்வரிசை துடுப்பாட்டத்தின் பலவீனத்தால் மூன்றாவது ஒருநாள் போட்டி இலகுவாக இந்தியா வசமாகியது.

நல்ல போர்மில் உள்ள தில்சானின் அவசரமான துடுப்பாட்டம், அவரது கிடைத்த சந்தர்பத்தை பயன்படுத்த தவறியமை மொத்த ஓட்ட எண்ணிக்கையின் வீழ்சிக்கு பிரதான காரணமாகும், உபுல் தரங்க-தில்சான் இருவருக்குமிடையிலான கருத்து வேறுபாடுகள், கூட்டாக இயங்காத தன்மை, நானா? நீயா? என்ற மனப்பான்மை தில்சானை அவசரப் படுத்தியிருக்கலாம்,

உபுல் தரங்க-சங்ககார ஜோடி கூட அற்புதமாகத்தான் ஆடியது சங்ககார அநியாயத்திற்கு சேவக்கின் பந்து வீச்சிற்கு ஸ்டாம் செய்யப்பட்டு வெளியேறியது பரிதாபகரமானது, சங்ககாராவின் ஆட்டமிழப்பு மட்டுக்கும் அணியின் ஓட்ட எண்ணிக்கை சராசரி ஆறு வீதத்தை தாண்டியே சென்றது, அவரின் ஆட்டம் இழப்பின் பின் மஹேல மீண்டும் சொதப்பிவிட்டு சென்றார், அணியின் ஓட்ட எண்ணிக்கை குறைய ஆரம்பித்தது
மஹேல கொஞ்சம் பொறுப்பாக ஆடியிருக்கலாம், மஹேலவின் அற்புதமான துடுப்பாட்டம் எங்கே போனது பொறுமையும், நிதானமும் கலந்த அவரது துடுப்பாட்டத்தை இப்போதெல்லாம் அவர் வெளிப்படுத்த தவறுவது அணியில் அவரது இடத்தை எதிர் காலத்தில் கேள்விக் குறியாக்கலாம்.

சதம் அடிப்பார் என நினைத்த தரங்க ஏமாற்றினார், எல்லாம் அவசரம் தான்,

கண்டம்பி, கபுகெதர இருவரும் துடுபாட்டத்திட்கு சாதகமான மைதானத்தில் ஆட தகுதியற்றவர்கள், பெரும்பாலும் பந்து வீச்சாளர்களுக்கு சாதகமான மைதானத்திலேயே இவர்களின் பயிற்சிகள் இடம்பெற்றிருப்பதால் அவ்வாறன மைதானங்களில் மட்டுமே இவர்களால் ஆடமுடியும் என்பதை இவர்களது
அண்மைய துடுப்பாட்ட நிலவரம் தெளிவாக்குகின்றது, பந்து வீச்சாளர்களுக்கு சாதகமான மைதனமென்றால் வேகமாக துடுப்பெடுத்து ஆட வேண்டிய அவசியம் இல்லை பந்தை தடுத்து விக்கட்டை பறி கொடுக்காமல் இருந்தாலே போதும் என்ற நிலையில் தான் ஆட வேண்டும், இந்தவகையில் இவர்கள் இருவரையும் பந்து வீச்சாளர்களுக்கு சாதகமான மைதானத்தில் நடைபெறுகின்ற போட்டிகளுக்கு மட்டுமே பயன்படுத்தினால் நல்லது,
அஞ்சலே மத்திவின் வெற்றிடம் தெளிவாக விளங்குகிறது, இந்தப் போட்டியிலாவது சனத்தை பயன் படுத்தியிருக்கலாம், இலங்கை அணி சகல துறை ஆட்டக்காரர்களின் அவசியத்தை ஏன் இன்னும் உணராமல் இருக்கின்றது என்பது புரியவில்லை, சுராஜ் ரண்டிவ் நல்ல தெரிவு, வாஸ் போன்ற சகல துறை ஆட்டக் காரர்களின் அவசியம் அணியின் கட்டாயத்தேவை, பின்வரிசை துடுப்பாட்டத்தின் பலத்தில்தான் அணியின் சராசரி வெற்றி தங்கியுள்ளது.
ஜடேஜா, ஹர்பஜன், நன்றாக பந்து வீசினார்கள்,ஜடேஜா அற்புதமாக செயற்பட்டார். இலங்கை அணியை மடக்குவதில் இவர்களின் பங்களிப்பு மெச்சத்தக்கது.
இந்திய அணி வெகு கூலாக வெற்றி இலக்கை தொட்டது, சேவாக், டெண்டுல்கர் ஆகியோரின் அபாரமான ஆட்டம் அணியை வலுவான நிலைக்கு கொண்டு வந்தது, டெண்டுல்கார் மீண்டும் அசத்தினார், சிங்கம் சிங்கம்தான். அமைதியாக, வெகு கூலான டென்டுல்காரின் ஆட்டம் சூப்பெர்ப், என்ன ஒரு குறை வெறும் நாலு ஓட்டத்தில் சென்ச்சரியை தவறவிட்டது தான்.

இலங்கை அணி அடித்த ஆட்டத்திலாவது தன்னை சீர் செய்து கொள்ளுமா?........................பொறுத்திருந்து பார்ப்போம்.

Read more...