கருவறையை
பிரிந்து வந்தோம்
இந்த மண்ணுலக வாழ்வுக்காய்
மறு உலக வாழ்வுக்காய்
இந்த மண்ணுலகையும்
பிரிந்திடுவோம்
பிரிவுகள் என்றும்
நிரந்தரமில்லை
கூடிப் பிரிவதில்
குதூகலம் இல்லைதான்
இருந்தும் பிரிவால்
வாடிப் போவதில்
வளம் என்ன உண்டு.
கல்விக்காய் வீட்டைப் பிரிகிறான்
மாணவன்.
கடவுளுக்காக குடும்பத்தைப் பிரிகிறான்
பக்தன்.
நட்புக்காக எல்லா வற்றையும் பிரிகிறான்
நண்பன்.
பிரிவு என்பது சங்கடம் தான்
சந்தோசமான சங்கடம்.
Read more...நோன்பு என்ற சொல்லுக்கு விரதம் என்றும் சொல்லுவார்கள், ஒவ்வொரு மதத்தினரும் வெவ்வேறு காரணங்களுக்காக நோன்பு நோற்பது வாடிக்கையான ஒரு விடயமாகும், அந்த வகையில் உலக முஸ்லிம்கள் அனைவரும் ஒன்றிணைந்து ரமலான் (அரபு மாதம்) மாதத்தில் விருப்பத்தோடும், ஆர்வத்தோடும் நோன்பு நோற்பதன் தாத்பரியம் என்ன? நோன்பினால் ஏற்படும் தனிமனித, சமூக நன்மைகள் யாவை? இப்படி பல கேள்விகளுக்கு நமக்கான பல நூறு பதில்களை அள்ளித்தருகிறது இஸ்லாம் மார்க்கம் அதில் மிகவும் எளிமையான சில காரணங்கள் தான் ஏழை எளியவர்களின் பசியை பணக்காரர்களும் உணர்த்து கொள்ளுதல் இதன் மூலம் பணம் படைத்தவர்கள் ஏழைகளுக்கு உத்தவுவத்தட்கு ஏதுவாக அமைகிறது,அத்தோடு ஏழை பணக்காரன் என்ற பாகுபாடு இல்லாமல் அனைவரும் இந்த ஒரு மாத காலத்திற்கு நோன்பு நோற்கின்ற போது சமூக ஏற்றத்தாழ்வு அங்கே இல்லாமல் போகின்றது, இந்த நோன்பின் போது மனிதன் தனது புலன்களை அடக்கியாளும் பயிற்ச்சியை பெறுகிறான், வீண் பேச்சுக்கள், உண்ணல், உறங்கள்,போன்ற வற்றிளிருந்து தவிர்ந்து நடக்க இந்த நோன்பு காலம் மிகுந்த
பயிட்சியை அளிக்கின்றது அந்த வகையில் நோன்பின் பலன்கள் மிக மிக அதிகமாகவுள்ளது . இந்த பயன்களை முஸ்லிம்கள் உணர்ந்து நோன்பு நோற்பது சாலப்பொருத்தமாகும்.
காதல் வந்திரிச்சி
எனக்கு காதல் வந்திருச்சி
ஊர் சுற்றி திரிந்த
எனக்கு ........
உருப்படி இல்லாத
எனக்கு...
யார் கண்பட்டதோ..
காதல் வந்திருச்சி
நிலவை நான்
ரசிக்கவில்லை..
நீல வானம்
விருப்பமில்லை..
கோல மயிலின் இறகை
என்றும்..புத்தகத்தினுள்
வைக்கவில்லை
காதல் என்ற பெயரில்
எங்கும் நான்...
கால் கடுக்க அலைந்ததில்லை.
இருந்தும்..
காதல் வந்திரிச்சி
எனக்கு காதல் வந்திருச்சி
யாருவிட்ட சாபமோ..
எனக்குள் காதல்
வேருவிட்டு போச்சி
நீல வானம்
அதில் நீந்து மேகம்
காதல் சுமந்த காற்று
காலைநேர பனித்துளி
இலையருகே பூக்கள்
இத்தியாதி...இத்தியாதி....
எல்லாம் ரசிக்கிறேன்
இப்போது எல்லாம் ரசிக்கின்றேன்
ஓடும் நதியிலே
என் காதல் நீந்துது
ஓலமிடும் கடலிலும்
என்காதல் வாழுது..
காரணம் ...
காதல் வந்திரிச்சி
எனக்கு காதல் வந்திருச்சி
நாச்சியாதீவு பர்வீன், இலங்கை.
நதியின் பாடல்
ஒரு மெல்லிய ராகமாய்
ஒலிக்கும்..
இடைவிடாக் கனவுகளில்
இடறி விலும் வாழ்க்கை
நாறிய நிமிசங்களைப் பார்த்து
காறித்துப்பும் நினைவுகள்
அடைகாத்த அருவெறுப்புக்களை
அசைபோட்டு அழும் மனசு
தீப் பிடித்து எரியும்
காலத்தின் முதுகில்
இரண்டு வெண்ணிறக் கோடுகள்
ஒன்று பிறப்பாய்
மற்றையது இறப்பாய்
எல்லா சோகங்களையும்
சுமந்து கொண்டு
மவுனப் பாடல்களை
இயற்கை இசைக்கிறது..
எஞ்சியிருப்பது
நதியின் பாடல் மட்டுமே..
அதுவும் விதி மாறும் வரைக்கும்தான்.
நச்சியாதீவு பர்வீன்
இலங்கை.
வாழ்க்கையில் பல சந்தர்ப்பங்களில் நாம் காத்திருக்க வேண்டியுள்ளது,காத்திருத்தல் ஒரு அவஸ்தையான அனுபவம், காத்திருத்தலில் சுகம் இருக்கிறதென்று சிலர் சொல்லக் கேள்விப்பட்டுள்ளேன், என்னளவில் காத்திருத்தல்
மிகுந்த அவஸ்தைக் குறிய விடயமாகும். அப்பப்பாஎவ்வளவுதான் காத்திருப்பது மனிதன் பிறந்ததிலிருந்து காத்திருத்தல் ஆரம்பமாகின்றது, எனக்கென்றால் அதிகமாக காத்திருக்க நேர்ந்தது பஸ் தரிப்பிடத்தில் தான், நான்பாடசாலை செல்ல ஆரம்பித்ததில்
இருந்து வேலைக்கு செல்லும் இன்று மட்டுக்கும் பஸ்சுக்காக
காத்திருந்து அவஸ்தை பட்ட, படும் நிமிடங்களை சொல்லி மாளாது, நான் எப்போதும் காதலிக்காகவோ, நண்பர்களுக்காகவோ காத்திருந்து அவஸ்தைபட்டது கிடையாது ஆனால் மணிக்கணக்காய் பஸ் தரிப்பிடத்தில்
கால் கடுக்க நின்று என் தலை விதியை பல தடவை
நொந்து கொண்டுள்ளேன், யாருக்காவது காத்திருத்தல் பற்றிய
சுவையான அனுபவம் இருந்தால் சொல்லுங்களேன்.
நான் எழுதும் தளங்கள் (பிற தளங்களில் அமுதன்)
Back to TOP by
